ШАНБЕЗОДА ҲАЙРАТ

ҲАЙРАТ ШАНБЕЗОДА 4 июни соли 1933 дар шаҳри Хоруғ, дар хонадони шоир Нодир Шанбезода ба ҷаҳон омадааст. Соли 1956 факултаи таъриху филологияи Донишгоҳи давлатии Тоҷикистонро хатм кардааст. Фаъолияти меҳнатиро дар рӯзномаи «Маориф ва маданият» шурӯъ карда, солҳои тӯлонӣ дар нашриёти «Ирфон»-у «Адиб» ва Сарредаксияи илмии Энсиклопедияи советии тоҷик, баъдан дар ҳафтаномаи «Ҷунбиш» кор кардааст.

Ашъораш дар китобҳои «Сарез» (1965), «Ситораҳои дур» (1968), «Сояҳои роҳ» (1985), «Ношинос» (1998) ва ғ. ба табъ расидаанд.

Аз соли 1990 узви Иттифоқи нависандагони Тоҷикистон аст.

24 июни соли 2004 аз олам даргузашт.