ХАТЛОНӢ ИСКАНДАР

ИСКАНДАРИ ХАТЛОНӢ 12 октябри соли 1954 дар шаҳри Кӯлоб зода шудааст. Дар Омӯзишгоҳи сохтмони Душанбе, Институти адабиёти ба номи Максим Горкий (Маскав; 1976-1981) таҳсил кардааст.

Солҳои 1985-1988 тарҷумони мутахассисони шӯравӣ дар Афғонистон, муддате ходими адабии ҳафтаномаи «Адабиёт ва санъат» ва корманди Радиои «Озодӣ» будааст.

Ашъораш дар маҷмӯаҳои «Парвоз» (1981), «Шукуфаҳо» (1986), «Садои пойи вожаҳо» (Кобул, 1988) ва ғ. ба табъ расидаанд. Иддае аз шеърҳояш ба забони халқҳои Иттиҳоди Шӯравӣ тарҷума ва чоп шудаанд.

Аз соли 1989 узви Иттифоқи нависандагони Тоҷикистон аст.

20 сентябри соли 2000 дар Маскав ба ҳалокат расид.