ОФОҚ

ОФОҚ (Қодирова Оламбӣ Ҷумъахоновна) 6 июли 1976 дар деҳаи Панҷосиёби ноҳияи Кӯлоб ба ҷаҳон омадааст. Соли 1993 мактаби миёнаи деҳа, соли 2006 Академияи Вазорати корҳои дохилии ҷумҳуриро хатм кардааст. Аз соли 1996 дар раёсати вилояти Хатлони Вазорати корҳои дохилии ҷумҳурӣ оғози хидмат карда, то ҳол дар вазифаи роҳбари гурӯҳи иттилооти шуъбаи нозироти РВКД-и вилояти Хатлон фаъолият дорад.

Аз овони мактабхонӣ ба шеъргӯйӣ пардохта, намунаҳое аз ашъораш дар матбуоти даврӣ ва маҷмӯаҳои шеърии «Булӯри хаёл» (2000), «Фасли омадан» 2003) ва «Нигоҳи хоҳиш» (2007) ба табъ расидаанд, ки саршори самимияту садоқатанд.

Аълочии милитсияи тоҷик.

Узви Иттифоқи нависандагон ва Иттифоқи журналистони Тоҷикистон (2005) аст.