ГУЛНАЗАР КЕЛДӢ МУАЛЛИФИ СУРУДИ МИЛЛӢ ДАРГУЗАШТ

Шоири маҳбуби мардуми тоҷик, муаллифи суруди миллии Тоҷикистон, Шоири халқии Тоҷикистон ва дорандаи Ҷоизаи давлатии ба номи Абӯабдуллоҳи Рӯдакӣ, узви Иттифоқи нависандагони Тоҷикистон Гулназар Келдӣ дар синни 75-солагӣ аз олам даргузашт.

Маросими ҷанозаи Гулназар Келдӣ шоми ҳамин рӯз дар оромгоҳи Лучоб бо ҳузури шахсиятҳои сиёсиву фарҳангӣ ва ҳаводорони шоир баргузор гардид.

Дар маросими ҷанозаи шоири маҳбуб Гулназар Келдӣ, Низом Қосим, раиси Иттифоқи нависандагони Тоҷикистон ба аъзои хонавода ва ҳаводорони марҳум ҳамдардӣ ва изҳори тасалият намуд.