Рӯнамоии китобҳои адибони ҳамзабон
20-уми декабр дар Иттифоқи нависандагони Тоҷикистон маҳфили рӯнамоии се китоб аз адибони Афғонистон – «Айёре аз Хуросон»-и Халилуллоҳи Халилӣ, «Гувоҳнома»-и Хайрмуҳаммадаймани Санчовакӣ ва «Гулчини ашъор»-и Восифи Бохтарӣ баргузор гардид.
Маҳфилро муовини аввали раиси ИНТ Ато Мирхоҷа оғоз бахшид. Гардонандаи чорабинӣ Шоири халқии Тоҷикистон Аскар Ҳаким дар бораи ин китобҳо маълумоти муфид дод. Гуфта шуд, ки китобҳои мавриди назар бо талоши адиб ва пажӯҳишгар Ҷаъфари Ранҷбар ба нашр расидаанд.
Адибони ҳамзабон Абдулқаюми Қавим, Муҳаммад Собири Носирӣ, Темуршоҳ Қавим, Марва Соиқ, Ҳоҷӣ Басин ва Башир Азизӣ суханрониву шеърхонӣ карданд. Профессор Абдунабӣ Сатторзода дар бораи адабиёти муштараки Тоҷикистону Афғонистон андешаҳояшро баён дошт. Ҳунарпешаи халқии Тоҷикистон Ортиқ Қодир бо маҳорати хос шеърҳо қироат намуд.
Дар охир ба ҷамъомадагон китобҳои тозанашр тақдим гаштанд.
