ҲАМРОҚУЛ ИСКАНДАР

ИСКАНДАРИ ҲАМРОҚУЛ 9 октябри соли 1942 дар шаҳри Самарқанд зода шудааст. Соли 1972 факултаи филологияи руси Донишгоҳи давлатии Самарқандро хатм кардааст. Солҳои 1976-1979 аспиранти Донишкадаи адабиёти ба номи Максим Горкий (Маскав) будааст. Баъдан, муддате, устоди Донишкадаи давлатии омӯзгории Тирмиз, ходими илмии Сарредаксияи илмии Энсиклопедияи советии тоҷик, корманди илмии АИ РСС Тоҷикистон, муҳаррир ва мудири шуъбаи нашриёти «Ирфон»-у «Адиб», сардори нашриёти «Тоҷқалам», и.в. сармуҳаррири моҳномаи «Помир» будааст.

Муаллифи рисолаи «В поисках национального характера героя» (1988) буда, намунаҳоеро аз осори А. Баҳорӣ, Х. Шарифов, А. Самад, ҳикоёти «Саргузашти Ҳотами Той» ва ғ-ро ба русӣ гардондааст.

Аз соли 1997 узви Иттифоқи нависандагони Тоҷикистон аст.