Ҷашни 70-солагии шоир Тағойназари Бақо

Ба муносибати 70-солагии шоир Тағойназари Бақо рӯзи 17-уми феврал дар толори хурди Иттифоқи нависанда­гон маҳфили адабӣ баргузор гардид.

Ин маҳфилро Ато Мир­хоҷа, муовини раиси Итти­фоқи нависандагони Тоҷи­кистон ифтитоҳ карда, дар бораи вежагиҳои ҳунарии соҳибҷашн сухан ронд. Ба гуфтаи ӯ, шеърҳои Тағойна­зари Бақо ба ашъори Бозор Собир ҳамхонӣ дошта, бори маънии зиёд до­ранд. Бурди шоир корбурди вожаҳои заминӣ мебошад.

Дар идома профессор Аламхон Кӯ­чарзода ба ашъори Тағойназари Бақо чашмандоз намуда, аз бозёфтҳои шоиронаи мавсуф ёдоварӣ ва эҷоди варо шеъри ҳолат арзёбӣ кард.

Ҳамчунин дар ин маҳфил Шоири халқии Тоҷикистон Муҳаммад Ғоиб, адибон Давлати Раҳмониён, Равшан Махсумзод, Сафар Амирхон, Из­затбек Идизода, Бузургмеҳри Ҳаким ва дигарон ибрози андеша намуданд.

Тағойназари Бақо муаллифи китобҳои ашъори «Чашмаи сангӣ» (1999), «Суруди сапедадам» (2002), «Шабдизи ғурур» (2005) ва «Пайки Пушинг» (2021) мебошад. Мавсуф омӯзгори пуртаҷрибаву варзида низ буда, бештари умри пурбаракаташро сарфи таълиму тарбияти хонандагон кардааст. Аз кори шоирӣ низ лаҳзае фориғ нашуда, ҳамеша бо садоқат хома рондааст.