Дар баҳори шеъри Гулрухсор

Дар доираи Ҳамоиши байналмилалии адибони ҳавзаи Наврӯз 7-уми март дар Театри академӣ-драмавии ба номи А.Лоҳутӣ маҳфили шеъри яке аз ташаббускорони ҳамоиши мазкур, Шоири халқии Тоҷикистон Гулрухсор барпо гардид. Пас аз сухани ифтитоҳоии раиси Иттифоқи нависандагон Низом Қосим шоираи машҳур зимоми суханро ба даст гирифта, бо суханрониҳои ҷолиб ва шеърҳои тозааш хотири ҳозиронро болида намуд. Ҳунармандони шинохтаи кишвар Саидқул Билолов, Давлатманд Холов ва дигарон сурудҳои дилошӯбу муассир сароиданд.

Қироати шеъри шоира аз тарафи ровиёни хушовоз ҷиҳати дигари хотирмони ин мафҳил буд.

«АС»