• Email: Этот адрес электронной почты защищен от спам-ботов. У вас должен быть включен JavaScript для просмотра.
  • Tel: (+992 37) 224-57-37 | (+992 37) 224-57-67

КАЛОМИ АСОЛАТМЕҲВАР

 

 

Паёми имсолаи Президенти мамлакат, Пешвои муҳтарами миллат Эмомалӣ Раҳмон мисли ҳамеша аз ҳар ҷиҳат фарогиру пурмуҳтаво мебошад. Вобаста ба ҳама бахшҳои фаъолияти ҷомеа ва ҳаёти халқ дар Паём масъалаҳое ба миён гузошта шуданд, ки барои беҳбуди рўзгори мардум ва рушди минбаъдаи ҳама соҳаҳо, бешубҳа, такони ҷиддӣ мебахшанд. Масъалагузориҳо, барномарезиҳо ва муҳокимаҳои Пешвои миллат баёнгари дилсўзиву ғамхорӣ ва огоҳии комили он кас аз тамоми паҳлуҳои ҳаёти халқу мамлакат мебошанд ва расонандаи ин нуктаанд, ки мо бо чунин барномаву бо чунин шеваи оянданигарӣ ба комёбиҳои бузург даст хоҳем ёфт. Вобаста ба соҳаи фарҳанг низ, чун солҳои қаблӣ, нуктаҳои муҳимму пураҳамият зикр шуданд ва ҳар яке аз ин фармудаҳо метавонанд асоси фаъолияти эҷодии аҳли фарҳанг бошанд. Ин нуктаҳо бо мағзи муҳтавои фарҳанги миллӣ комилан созгор буда, барои ҳарчи бештар густариш ёфтани арзишҳои миллӣ заминаи мустаҳкам фароҳам меоранд. Воқеан, ҷои хушнудист, ки Пешвои фарҳангпарвари кишварамон ҳамеша барои эҳё ва тарғиби фарҳанги миллӣ, хусусан мероси адабии гузаштагон ва арзишҳои ахлоқии миллӣ ҳамеша таваҷҷуҳ зоҳир мекунанд ва ҳар иқдоми дар ин самт пешгирифтаро амалан пуштибонӣ менамоянд. Паёми навбатӣ низ баёнгари ҳамин андеша буд. Дар Паём омадааст: «Эҳёи арзишҳои миллӣ ва ҳифзу тарғиби ёдгориҳои таърихиву фарҳангӣ барои баланд бардоштани рўҳияи ватандўстӣ ва худогоҳиву хештаншиносии мардум, хусусан, наврасону ҷавонон бисёр муҳим мебошад».

Ин нукта бори дигар далолат мекунад, ки асолатмеҳварӣ ва арҷгузорӣ ба фарҳанги миллӣ аз ибтидои давлатдории навини мо дар маркази таваҷҷуҳ қарор доштааст ва барои ҳарчи бештар густариш ёфтани арзишҳои миллӣ тадбирҳои амалӣ андешида шудааст. Чунин тадбирҳо сол то сол бо наҳваю шеваи муассиртар аз тарафи Ҳукумати мамлакат роҳандозӣ шуда истодаанд ва натиҷаҳои хубу матлуб ба бор меоранд. Тавре ки дар Паёми навбатӣ зикр шудааст ва дар дигар суханрониҳои Пешвои миллат низ ҳамеша таъкид мешавад, тамоми ин тадбирҳову талошҳои шаборўзӣ ҷиҳати эҳёи суннату анъанаҳои миллӣ ва тавсеаи маънавиёт ба хотири он аст, ки насли наврасу ҷавон дар оинаи таъриху фарҳанги деринсоли худ симояшонро бубинанду худро шиносанд, аз аслу насаби худ огоҳ бошанд ва фаромўш накунанд, ки ин фарҳангу тамаддуни ҷаҳонафрўз дар домани худ басо бузургону нобиғагонро парварида ва ба олам эҳдо кардааст. Тадбирҳои амалӣ ҷиҳати интишори ин маъниву матлаб имкон медиҳанд, ки ҷавонон дар бораи чӣ тавр ба шоистагӣ идома додани корномаи илмиву адабиву фарҳангии гузаштагон андеша кунанд ва дар ин масир собитқадам бошанд.

Нуктаи дигари марбут ба фарҳангу адаб дар Паём ёдоварӣ аз озмунҳои илмиву маърифатии ҷумҳуриявӣ, аз ҷумла «Фурўғи субҳи доноӣ китоб аст» ва «Тоҷикистон – Ватани азизи ман» буд. Вобаста ба ин озмунҳо Пешвои миллат гуфтанд: «Хотирнишон месозам, ки ҳадафи мо аз баргузории озмунҳои «Илм – фурўғи маърифат», «Тоҷикистон – Ватани азизи ман», «Фурўғи субҳи доноӣ китоб аст» ва олимпиадаву озмунҳои гуногун тақвият бахшидани ҳувияти миллӣ, ҳисси ифтихор аз таъриху тамаддуни бостонии халқамон, боз ҳам баланд бардоштани сатҳи саводнокиву маърифатнокии мардум, қабл аз ҳама, наврасону ҷавонон, тақвияти завқи зебоипарастии онҳо ва пайдо кардани истеъдодҳои нодир аз байни наслҳои ояндасоз мебошад. Тавре ки мушоҳида мегардад, ҳоло дар ҷомеаи мо насли нави соҳибистеъдод, илму донишдўст ва фарҳангпарвару забондон ба камол расида истодааст ва мо бояд онҳоро аз ҳар ҷиҳат дастгирӣ намоем».

Тавре ки пайдост, ин нукта ҳам ба асолатмеҳварии Паём ишора мекунад ва дар он «тақвият бахшидани ҳувияти миллӣ», «ҳисси ифтихор аз таъриху тамаддуни бостонии халқамон» аз ҳадафҳои муҳимтарини озмунҳои мазкур дониста мешавад. Иқтибоси боло, ҳамчунин, то чи андоза таваҷҷуҳ доштани Сарвари давлатро, ки худ мубтакири ин озмунҳо ҳастанд, ба маънавиёту завқи зебоипарастӣ равшан мекунад. Воқеан, озмунҳои мазкур, хусусан озмуни «Фурўғи субҳи доноӣ китоб аст» аз соли аввали баргузорияш дар байни ҷомеа чунон ғулғулае афканд, ки ҳатто касони қаблан ба китобу адабиёт алоқа надошта бо шавқу рағбат рўй ба он оварданд ва «аниси кунҷи танҳоии» худ донистанд. Ба шарофати ин озмун китобхонаҳое, ки қаблан чандон пуродам набуданд, серхонанда шуданд, дўконҳои китобфурўшӣ харидори бисёр ёфтанд ва умуман, мешавад гуфт, ки бархўрди мардум бо китоб комилан тағйир ёфт.

Дар шабу рўзҳои баргузории озмун аз тарафи бархе адабиётситезон дар сомонаҳои иҷтимоӣ андешаҳое изҳор шуданд, ки гўё китобхонӣ мардумро ба ҷое намебарад ва намесазад барои ҳифзу қироати шеър ба мардум пули бисёр дода шавад. Ин гуна торикназарони моддиётгаро, ки ҷойгоҳи маънавиёт, ба вижа нафистарин санъат – шеърро дар ҳаёти одамӣ намедонанд, инсонро чун мавҷуди маънавӣ эътироф намекунанд. Оё тамоми таъриху фарҳангу арзишҳои милливу ахлоқӣ ва донишу ҳикмати гузаштагони мо тавассути назм ба ёдгор намондааст?! Оё волотар аз шеър василаи дигаре ҳаст, ки ҳисси зебоипарастӣ, назокатписандӣ, некукориву ҷавонмардиро дар ниҳоди одамизод парвариш диҳад?! Ҳоло сухани шоири бузург Қайсари Аминпур ба ёд меояд, ки гуфта: «Кўр бод чашме, ки зебоиро намебинад. На, кўр мабод, ин уқубат ўро бас, ки зебоиро намебинад».

Пешвои муҳтарами миллат зарурати ин озмунҳоро хуб дарёфта, хеле бамаврид онҳоро роҳандозӣ намуданд ва бори дигар дар Паёми навбатӣ ҳадафҳои озмунҳоро гўшзад кардан ба ин маъност, ки мардум, хусусан ҷавонон, аҳамият ва моҳияташонро дурусттар дарк кунанду китобро ба ҳамдами умрбоди худ табдил диҳанд.

Дар маҷмўъ, агар Паёмро нукта ба нукта бодиққат мурур кунем, хулосае ба миён меояд, ки ҳадафи меҳварии он равшаниву ободии хонаи мар- дум, сарсабзу шукуфонтар шудани кишвар, осудаҳолтару хотирҷамътар шудани пирон, ҳушмандтару худшиностар шудани ҷавонон ва саодатманд шудани тамоми мардуми тоҷик мебошад. Ин ҳадафҳо бо ҳадафҳое, ки адабиёти асил дорад, ҳаммаънову ҳаммаром буда, адибонро ҳам барои талошу такопўи бештар савқ мебахшанд.

Толиби ЛУҚМОН

 

ПАЁМИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ МУҲТАРАМ ЭМОМАЛӢ РАҲМОН «ДАР БОРАИ САМТҲОИ АСОСИИ СИЁСАТИ ДОХИЛӢ ВА ХОРИҶИИ ҶУМҲУРӢ»

 

 Муҳтарам аъзои Маҷлиси миллӣ ва вакилони Маҷлиси намояндагон!

Ҳамватанони азиз!

Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.

Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.

Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.

Идомаи: ПАЁМИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ МУҲТАРАМ ЭМОМАЛӢ РАҲМОН «ДАР БОРАИ САМТҲОИ...

ИФТИТОҲИ ИНШООТИ ДӮСТӢ

Дар Толори сафеди Қасри миллат Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ўзбекистон муҳтарам Шавкат Мирзиёев дар вазъияти тантанавӣ бо пахши тугмаи рамзӣ ба таври маҷозӣ ду иншооти муҳими соҳаи иҷтимоӣ - бинои мактаби таҳсилоти умумӣ барои 1400 хонанда дар ду баст дар ноҳияи Ургути вилояти Самарқанди Ҷумҳурии Ўзбекистон ва Маҷмааи тандурустии “Дўстии Тоҷикистону Ўзбекистон” бо 200 катро дар ноҳияи Қубодиёни вилояти Хатлони Ҷумҳурии Тоҷикистон, ки дар доираи муносибатҳои ҳасанаи давлатҳо ва бо ташаббусҳои созандаву иқдомҳои саховатмандонаи сарони давлатҳо аз тарафи ҳукуматҳои ду кишвар бунёд шудааст, мавриди баҳрабардорӣ қарор доданд.

Идомаи: ИФТИТОҲИ ИНШООТИ ДӮСТӢ

СУХАНРОНИИ ПЕШВОИ МИЛЛАТ ЭМОМАЛӢ РАҲМОН ЗИМНИ МУЛОҚОТ БО НАМОЯНДАГОНИ АҲЛИ ҶОМЕА ДАР ҚАСРИ ФАРҲАНГИ «АРБОБ»

Муҳтарам Шавкат Миромонович! Хуш келипсиз, азиз дўстлар!

Дўстон ва меҳмонони азиз!

Хуш омадед!

Шуморо бо камоли самимият дар Қасри «Арбоб»-и вилояти Суғд хайрамақдам мегўям!

Идомаи: СУХАНРОНИИ ПЕШВОИ МИЛЛАТ ЭМОМАЛӢ РАҲМОН ЗИМНИ МУЛОҚОТ БО НАМОЯНДАГОНИ АҲЛИ ҶОМЕА ДАР ҚАСРИ...

ДӮСТ ОЯД, ГАРМ ДАР ОҒӮШ ГИР

10 июн Президенти Ҷумҳурии Ўзбекистон Шавкат Мирзиёев бо сафари расмӣ ба Ҷумҳурии Тоҷикистон ташриф оварданд.

Идомаи: ДӮСТ ОЯД, ГАРМ ДАР ОҒӮШ ГИР

АРЗАНДАИ НОМИ ХЕШ БОШЕД

21 май дар Кохи Борбад Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун анъанаи наку дар Рўзи ҷавонон бо намояндагони ҷавонони мамлакат мулоқоти самимию созанда анҷом доданд.

Нахуст Сарвари давлат ҳамаи ҷавонони саодатманди кишварро ба ифтихори Рўзи ҷавонон, ки ҳамасола 23 май дар саросари мамлакат ба таври шоиста ҷашн гирифта мешавад, табрику таҳният гуфтанд.

Идомаи: АРЗАНДАИ НОМИ ХЕШ БОШЕД

СУРОҒА

  • (+992 37) 224-57-37 | (+992 37) 224-57-67
  • Этот адрес электронной почты защищен от спам-ботов. У вас должен быть включен JavaScript для просмотра.
  • 734025, Ҷумҳурии Тоҷикистон, шаҳри Душанбе. хиёбони Исмоили Сомонӣ 8
  • FAX (+992 37) 224-57-37

Copyright © 2017.  All rights Reserved