• Email: Этот адрес электронной почты защищен от спам-ботов. У вас должен быть включен JavaScript для просмотра.
  • Tel: (+992 37) 224-57-37 | (+992 37) 224-57-67

ПЕШВОИ МИЛЛАТ ва АДАБИЁТ

СУХАНРОНИҲО...

БУНЁДИ ТЕАТРИ НАВ ДАР БАДАХШОН

 

Дар ҳошияи ташрифи навбатии Пешвои миллат ба ВМКБ корҳои созандагиву бунёдкорӣ  дар иншооти ҷашнӣ суръати тоза мегиранд.  

 Яке аз чунин иншооти  сохташаванда дар маркази вилоят бинои театри замонавӣ мебошад, ки бо фарогирии зиёда ҳазор  ҷои нишаст дар вилоят яке аз бузургтарин биноҳо маҳсуб хоҳад ёфт. 

Ин бино аз  се ошёна, 28 ҳуҷраи  махсус, толорҳои тамрин ва дафтарҳои корӣ, таҳхонаи дорои ду машқгоҳи калон иборат хоҳад шуд.  Харҷи сохтмони он  зиёда аз 20 миллион сомониро ташкил  медиҳад, ки он аз сӯи  Дирексияи сохтмонии иншооти  ҳукуматии Дастгоҳи иҷроияи Президенти Ҷумҳурии Тоҷикистон пардохт карда мешавад.

Ширкати сохтмонии маҳалли  мавсум  ба "Бунёд" пудратчии сохтмон маҳсуб ёфта, айни  ҳол дар он зиёда аз 100 нафар коргар кору фаъолият доранд, ки 60 дар сади онҳо сокинони шаҳри Хоруғ мебошанд. 

Иншоот соли 2019-ум пурра ба анҷом хоҳад расид.  

 

Хушомади Алидод  

ОҒОЗҲО ВА ПАРВОЗҲОИ ЭҶОДӢ

Соли равон хатмкунандагони шуъбаҳои актёрӣ ва режиссёрии Донишкадаи давлатии фарҳанг ва ҳунари Тоҷикистон ба номи Мирзо Турсунзода бо пешниҳоди ҳашт спектакли калон донишкадаро хатм карданд. 

Мунсифона бояд иқрор шуд, ки донишкадаи мо хеле пеш рафтааст. Муносибат ба асари саҳнавӣ ва санъат комилан дигаргун, назар ба солҳои қаблӣ ҷиддӣ шудааст. Интихоби асарҳои классикӣ ва муосири машҳур  аз ҷониби донишҷӯён ба сифати кори дипломӣ далели он аст. 

Идомаи: ОҒОЗҲО ВА ПАРВОЗҲОИ ЭҶОДӢ

ТАҚДИРИ ТАЛХУ ШИРИНИ «ДОХУНДА»

Ҳанўз аз ибтидои солҳои сиюм киносозони тоҷик ба асарҳои  устод Садриддин Айнӣ рў оварданд ва нахуст ба романи "Дохунда" таваҷҷуҳ зоҳир намуданд. Дар ин бобат сенаристони рус А. Олшанский, Н. Достал ва И. Прут аз рўйи ин роман сенарияҳо эҷод карданд ва  борҳо барои  маслиҳат  бо муаллифи роман вохўрданд. Аммо бо ҳар баҳона таҳияи сенарияи "Дохунда" аз як сол ба соли дигар мемонд.

Умуман, муроҷиати киносозон ба асарҳои  устод Садриддин Айнӣ аз соли 1931 оғоз ёфт ва то соли 1938  натиҷае надод. Бино бар шаҳодати киношинос ҳазрат Сабоҳӣ "… пас аз се соли таълифи роман - соли 1931 дар заминаи "Дохунда" офаридани филм ба нақша гирифта шуда буд. Рўзномаи "Коммунист Таджикистана"  (аз 29 ноябри соли 1931) дар ин бобат навиштааст: "Зарурати ба навор гирифтани филмҳои баландғоя  тақозо менамояд, ки ба осори С. Айнӣ ва дигар  нависандагони баркамоли миллӣ муроҷиат  карда шавад". Назар ба тафсилоти рўзномаи мазкур, як даста сенарияҳо пешкаш гардиданд ва аз ҷумла нақшаи офариниши филм аз рўи романи "Дохунда" мураттаб шудааст, ки таълифи сенарияи онро С. Айнӣ ва А. Громов ба уҳда доштаанд". Баъдҳо Осип Брик соли 1935, А. Олшанский ва  Н. Достал 1936, И. Прут ва А. Олшанский  1938 аз рўйи роман  вариантҳои гуногуни сенарияро навиштанд. Вале ин кўшишҳо ҳамоно амалӣ нашуданд. Сенарияи "Дохунда" солҳои сол дар "портфел"-и сенарияҳои киностудия мехобид. Фақат сенарияи Осип Брик  дар таҳияи режиссёри маъруфи  советӣ Лев Владимирович Кулешов соли 1935 барои таҳия пешниҳод гардид, вале аз пеш монеаҳои зиёд пайдо шуданд.

Соли 1935 ба ҳукумати РСС Тоҷикистон ва киносозони тоҷик муждаи фараҳбахш расид. Бояд дар Осиёи Миёна, дар студияи "Тоҷиккино" аввалин филми ҳунарии овоздорро ба навор  гиранд. Азбаски масъала хеле муҳим буд, режиссёр Комил Ёрматов дар яке аз ҷаласаҳои ҳукуматӣ пешниҳод кард, ки барои ин кори ҷиддӣ, ки дар Осиёи Миёна  таҷрибаи аввалин аст, бояд режиссёри таҷрибадор аз шаҳри Москва даъват карда шавад. Ў дар ин бора менависад: "Соли 1935 фаро расид. Мо қарор додем, ки дар "Тоҷиккино" аз рўйи романи машҳури классики адабиёти тоҷик Садриддин Айнӣ - "Дохунда" филм таҳия кунем…Мебоист  ки ин аввалин филми овоздори тоҷикӣ шавад.

Ман пешниҳод кардам, ки барои таҳияи филм режиссёр Лев Владимирович Кулешовро даъват кунем…

Идомаи: ТАҚДИРИ ТАЛХУ ШИРИНИ «ДОХУНДА»

СУРОҒА

  • (+992 37) 224-57-37 | (+992 37) 224-57-67
  • Этот адрес электронной почты защищен от спам-ботов. У вас должен быть включен JavaScript для просмотра.
  • 734025, Ҷумҳурии Тоҷикистон, шаҳри Душанбе. хиёбони Исмоили Сомонӣ 8
  • FAX (+992 37) 224-57-37